Пылауны тәмле итеп пешерү серләре

- Кишерне озын итеп саламлап турарга кирәк;

- пылау өчен иң яхшы савыт - калын чуен кәстрүл яки тирән, калын таба, яки инде чуен казан.

Тоз һәм тәмләткечләрне зир­вакның (кишер, суган, иттән торган катнашманы көнчыгыш халыклары шулай дип әйтә) уртасында салалар.

Казанның капкачын гел ачып торырга ярамый.

Ашыкмасагыз, пылау пешеп чыкканнан соң, казан өстенә одеял ябып, 30-60 минут тотыгыз - болай иткәндә ул тагын дә тәмлерәк була.

Пылау пешергәндә суны дөге өстен ике сантиметр капларлык итеп салабыз.

Пылауга сарымсак, барбарис, нут, айва да салырга мөмкин.