#Киңәш сандыгы 30 сентябрь 2021, 14:24

Слива һәм шоколадтан кайнатма

30 сентябрь 2021, 14:24

Кирәк булачак: 2,5 кг кара слива, 2 стакан су, 1,5 кг шикәр комы, 200 г кара шоколад, 200 г ак май.

Скопировать ссылку

Кирәк булачак: 2,5 кг кара слива, 2 стакан су, 1,5 кг шикәр комы, 200 г кара шоколад, 200 г ак май.

Сливаларны юып, су салып, акрын утта каплап 1 сәгать пешерергә, аннары чыккан суны аерым кәстрүлгә бушатырга кирәк. Сливаларны иләк аша сөзәргә, килеп чыккан массаны һәм суны кушарга, шикәр кушарга да пешерергә куярга. 30 минут акрын болгатып кайнатырга.
Шоколадны эре угыч аша уарга да, катнашмага салырга, шулай ук ак майны да кушарга. Утка куеп янәдән 15 минут кайнатып алырга. Аннары чиста банкаларга тутырып куярга.

Кайнатманы суыткычта сакларга киңәш ителә. Табынга куяр алдыннан бүлмә температурасына кадәр җылытырга кирәк. Шулай ук төрле формалы савытларга салырга да куярга да мөмкин. Үзенә күрә конфет кебек, чәй өчен бер кабымлык була.

Фото: http://pixabay.com

Кызыклы яңалыкларны күзәтеп бару өчен Т елеграмга кушылыгыз.