Сырганак мае чәчне үстерә

Хатын-кызлар чәчләрен тәрбияләүгә аеруча зур игътибар бирә. Күпләр төрле косметик майлар да куллана.

Кайсы май нинди чәчкә туры килгәнен белеп тору комачау итмәс.

Җитен мае коры чәчне дымландыра, баш тиресен тукландыра. Чәчләре коела торган кешеләр өчен дә файдасы бар.

Көнбагыш мае шулай ук коры чәчләр өчен бара. Бу майны бигрәк тә кыш көне куллану яхшы.

Кокос маен чәчләрен еш юучыларга кулланырга кушалар.

Миндаль мае икеләнгән, сына торган чәчләргә тәкъдим ителә.

Сырганак мае чәчне үстерә.

^{Фото mnogobo.narod.ru сайтыннан алынды}

Персик мае шулай ук коры чәчләр өчен файдалы.