#Киңәш сандыгы 08 ноябрь 2019, 15:00

Сыйфатлы аяк киемен ничек сайларга?

08 ноябрь 2019, 15:00

Кышкы аяк киеменең чын күннән тегелгәнме-юкмы икәнлеген белү өчен, аңа сак кына энә белән басып карагыз. Ясалма күннән булганында эз шунда ук кала. Материалның тискәре ягын карагыз, аның нигезе тукымадан булса, күнне алыштыра торган материалдан эшләнгән була.

Скопировать ссылку

Җөйләренең сыйфатын бәяләгез, яхшы аяк киеме җитештерүче аңа эшкәртүгә вакытын һәм акчасын жәлләми. Үкчә арты каты, әмма сыгылмалы булырга тиеш. Эчендә күн яки байка дигән тукыма булу шарт.

Кышкы аяк киеменең эчендә табигый мех була. Аның ясалма түгелме-юкмы икәнлеген беләсегез килсә, төк бөртекләрен ачып карагыз, тукымага беркетелгән булса, табигый мех түгел дигән сүз.

Кышкы аяк киеме табаны кимендә 1 см калынлыкта булырга тиеш. Юкарак булган саен, аяк тизрәк туңа. Аның материалы полиуретан, резина, поливинилхлорид булу шарт. Ә менә үкчәнең биек булмаганын алсаң отасың. Ул киң һәм биеклеге 5 сантиметрдан ким булса әйбәт.

Кызыклы яңалыкларны күзәтеп бару өчен безнең МАХ каналына кушылыгыз.