#Киңәш сандыгы 11 июнь 2021, 12:37

Татарстанның атказанган артисты Иркәдән “Анарлы беләзек” салаты РЕЦЕПТЫ

11 июнь 2021, 12:37

Кирәк булачак: 500 г бәрәңге, 500 г кызыл чөгендер, 500 г кишер, 500 г тавык ите, 4 йомырка, 1 баш суган, 2 тырнак сарымсак, 100 г анар җимеше, әстерхан чикләвеге, тәменчә тоз, борыч, майонез, каймак, зәйтүн мае, 30 г ак май.

Скопировать ссылку

Татарстанның атказанган артисты Иркәдән “Анарлы беләзек” салаты РЕЦЕПТЫ

Пешкән яшелчәләрне, йомыркаларны кыргыч аша чыгарабыз. Тавыкның күкрәк итен һәм ботын пешереп, шакмаклап турыйбыз. Чикләвекне изәбез.
Суганны турыйбыз. Сарымсакны изәбез. Табада ак майны эретеп, бер калак зәйтүн мае өстибез, башта сарымсак, аннан суганны салып кыздырабыз.
Майонезга каймак кушып, тәменчә тоз һәм борыч өстәп, соус ясыйбыз. Яссы тәлинкәнең уртасына стакан калдырып, салатны катлап ясыйбыз, һәр кат саен соус буярга онытмагыз. Соңыннан стаканны алабыз. Тәлинкәнең уртасы буш калырга тиеш.

1 нче кат. Бәрәңге, соус.
2 нче кат. Кишер, соус.
3 нче кат. Тавык ите. Кыздырылган суган.
4 нче кат. Йомырка, соус.
5 нче кат. Чикләвек, соус.
6 нчы кат. Кызыл чөгендер, соус.
7 нче кат. Анар.
АШЛАРЫГЫЗ ТӘМЛЕ БУЛСЫН!