Тәмле күмәч пешерү ЫСУЛЫ

0,5 л су

1 аш кашыгы тоз

1 чәй кашыгы шикәр комы

3 аш кашыгы арыш оны

1 нче сортлы бодай оны

1 кап коры (12 гр) чүпрә

100 гр иссез көнбагыш мае

Эш барышы

1. Арыш оны, тоз, шикәр комы, су, чүпрә, икенче аш өчен кулланыла торган тәлинкәнең яртысы кадәр 1нче сорт­лы бодай оны салып, «баш» ясыйбыз. Яхшылап болгатып, 3 сәгатькә җылы урынга әчергә куябыз.

2. 3 сәгатьтән соң матур гына әчеп, кабарып менә. Шуның өстенә 1нче сорт­лы бодай оны, көнбагыш мае салып, кулдан купканчы басабыз.

3. Табаны майлап, шунда яхшылап баскан камырыбызны салабыз. Өстенә салфетка каплап, кабарырга куябыз.

4. Кабаргач, җылы духовкага тыгып, 1-1,20 сәгать тирәсе пешерәбез. Вакытын үз духовкагызны чамалап эш итегез (мин бамбук таягы тыгып карыйм).
Өйгә хуш исләр таратып, матур гына пешеп чыга. Сөт өсте, бал ягып ашарга яратабыз ипине.

Зөлфия Мифтәхетдинова-Ягфәрова,Казан