Хуҗабикәләргә чөгендер салаты РЕЦЕПТЫ
Салат өчен: 3 кг кызыл чөгендер, 1 кг помидор, 1 кг суган, 1 кг татлы борыч кирәк булачак.
Салат өчен: 3 кг кызыл чөгендер, 1 кг помидор, 1 кг суган, 1 кг татлы борыч кирәк булачак.
Чөгендерне пешереп, эре угычтан уабыз. Суган, борыч, помидорны вак итеп шакмаклап турыйбыз.
Яшелчәләргә 1 стакан үсемлек мае , 2 аш кашыгы тоз, 2 аш кашыгы шикәр комы салып болгатабыз һәм чөгендерне дә кушып, пешерәбез. Әгәр чөгендер яхшы пешкән булса, 20 минут җитә.
Әзер булырга 10 минут кала 2 аш кашыгы 70 процентлы аш серкәсе салабыз.
Чөгендерне алдан пешермичә, комбайнда вакларга мөмкин. Андый очракта пешерү вакыты 2 тапкырга арта.
Яшелчәләргә 1 кг кишер дә өстәсәгез, борщ өчен менә дигән әзер салат килеп чыгачак.
Фото: http://ru.freepik.com
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар