Йөгерегез, файдасы күп – белегез!

Эш көненнән соң йөгерү киеренкелекне бетерә, аппетитны баса, йоклап китәргә булыша.

Йөгерү нерв киеренкелегеннән дә арынырга ярдәм итә. Йөгергән вакытта канга эндорфин дигән гормон бүленеп чыга, аны икенче төрле «бәхет гормоны» дип тә атыйлар. Кандагы эндорфин концентрациясе арткач, кешенең кәефе күтәрелә, шул рәвешле депрессия­дән дә котыла.

Системалы рәвештә йөгерү иммунитетны арттыра, чөнки бу вакытта канда эритроцитлар белән гемоглобин арта, ә начар холестеринның исә күләме кими.

Йөгерү йөрәк һәм кан тамырларының эшчәнлеген арттыра, димәк, йөрәгегез ныграк һәм көчлерәк эшли башлый.
Йөгерү терәк-хәрәкәт аппаратына да уңай йогынты ясый.