#Киңәш сандыгы 30 октябрь 2020, 08:57

Зөлфия Шакировадан кабак согы рецепты

30 октябрь 2020, 08:57

“Көз – ул тәмле җимешләр өлгергән вакыт. Бүген мин бик файдалы булган кабак согы яптым. Кабакны яшелчә дисәләр дә, ул – җимеш. Кабакның согын гына түгел, пирогын да, ашын да, кайнатмасын да яратып әзерлим. Ясарга да мәшәкате юк”, - ди Татарстанның халык артисты Зөлфия Шакирова.

Скопировать ссылку

Җырчы кабак согын әзерләү серләре белән уртаклашты.

“6 литрлы кастрюльгә кабакны шакмаклап турап урнаштырабыз. Өстенә кабакны капларлык итеп су салабыз. Кайнап чыкканнан соң, 15 минут пешерәбез. Аннан соң суынырга куеп торабыз. 10 минут суынгач, блэндер белән изәбез. Шуңа 2 әфлисун согы салабыз, 250 грамм шикәр комы һәм 0,5 аш кашыгы лимон кислотасы өстибез. Яңадан кайнатып чыгарабыз. Аннары стерильләшкән банкаларга тутырып ябабыз. Тәмле булсын!” - ди Зөлфия Шакирова.

Посмотреть эту публикацию в Instagram

Ясарга да мэшэкэте юк! Рецепт! 6 литрлы кострюльгэ кабакны шакмаклап турап салабыз. Остеннэн су коябыз, кабактан остеннэн чыгып торырлык булсын.Кайнап чыкканнан сон 15 мин. пешерэбез.Суынырга алып куеп торабыз. 10 мин. суынгач блэндер белэн изэбез.Шуна 2-апельсин согы салабыз, 250 грамм. шикэр комы салабыз.0,5 аш кашыгы лимон кислотасы салабыз.янадан кайнатып чыгарабыз. Аннары стерл. банкаларга тутырып ябабыз! Тэмле булсын! .

Публикация от ЗУЛЬФИЯ ШАКИРОВА (@zulfiya_shakirova_official) 28 Окт 2020 в 7:11 PDT