16+

"Барлык кыенлыкларга карамастан, без бу юлны лаеклы үтәрбез"

"Динамо" җәмгыяте барлыкка килүгә 99 ел.

"Барлык кыенлыкларга карамастан, без бу юлны лаеклы үтәрбез"

"Динамо" җәмгыяте барлыкка килүгә 99 ел.

99 ел элек, ягъни 1923 елның 18 апрелендә безнең илдә "Динамо" пролетариат спорт җәмгыяте барлыкка килгән. Нәкъ бер елдан - 2023 елның 18 апрелендә - "Динамо" Бөтенроссия физкультура-спорт җәмгыяте үзенең 100 еллык юбилеен билгеләп үтәчәк!

Легендар исемнәр һәм күренекле җиңүләр Ватаныбыз тарихына, дөнья спорты тарихына мәңгегә уелып калачак. Данлы җиңүләр тарихы елъязмасына Татарстан динамочылары да зур өлеш кертте, шул исәптән “Ак Барс-Динамо” туплы хоккей командасы да.
Шул вакыт эчендә "динамолылар" спортның барлык төрләрендә диярлек якты эз калдырды, миллионлаган татарстанлыларга физик культурага мәхәббәт тәрбияләделәр. «Динамо» хәрәкәте уңышының сере нидән гыйбарәт соң, журналистлар өчен үткәрелгән матбугат конференциясендә әнә шул сорауларга ачыклык кертелде. 

— "Динамо" җитәкчелеге - "тотрыклылык" дигән сүзнең үзенчәлекле синонимы. Ул вакытта Татарстан эчке эшләр министры булып эшләгән Әсгать Әхмәт улы Сәфәров Россиядә дә, Европада да беренчелеккә дәгъва кылырлык дәрәҗәдә югары дәрәҗәдәге команда төзергә карар итте. Чыннан да, без бик күп дисциплина буенча беренчелекне яулап киләбез, - дип сөйләде Татарстан Республикасының «Динамо» физкультура-спорт җәмгыяте» иҗтимагый-дәүләт оешмасының җиңел атлетика буенча тренеры, җиңел атлетика буенча Россия Федерациясенең атказанган тренеры.

Яшьләрне тәрбияләү һәм ветераннарга хөрмәт
"Патриотизм, Ватанга мәхәббәт хисләреннән башка гына спортта берни дә оту мөмкин түгел, - ди чирәмдәге хоккей буенча "Динамо-Казан" командасының баш тренеры Араик Маргарян. - Егерме ел элек мин Казанга килдем, ул минем йортыма әйләнде. Монда минем балаларым туды. Һәм «Доживем до понедельника» фильмы герое әйтмешли, «Бәхет ул сине аңлаулары». Менә Татарстанда мин үземне бөтенләй бәхетле кеше итеп тоям. Ничә ел эчендә без Россия чемпионнары булдык, Казандагы 2013 елгы Универсиадада җиңдек. Мин «Динамо», Әсгать Әхмәт улына яшьләрне дөрес тәрбияләүләре, үз клубына, кече Ватанына тугрылыклары өчен рәхмәт белдерәм. Татарстанда "Динамо"га тиңдәш җәмгыять юк.
Үзенең 61 елын туган клубына багышлаган атказанган спорт мастеры, дөнья, Европа һәм СССР чемпионы Александр Плюшкин "Динамо" җәмгыяте ветераннары хәрәкәтен җитәкли.

Реклама

— «Динамо»чыларны һәрвакыт дисциплина аерып торды, - ди данлыклы спортчы. - Без һәрвакыт үз клубыбыз өчен намус белән чыгыш ясадык, командабызны уңайсыз хәлдә калдырырга курыктык. Элек без үзебезне бер спорт төре буечна гына чикләмәдек, төрле дисциплиналарда чыгыш ясадык. Мин бокс, көрәш, йөзү, җиңел атлетика белән дә шөгыльләндем. Һәм шуны әйтәсем килә, Татарстан спортчылары һәрвакыт беренче рольләрдә булды. "Динамо" җитәкчелеге күркәм традицияләрне онытмый һәм профессиональ спорт кына түгел, массакүләм спортны да үстерә. Шулай ук безгә, ветераннарга зур игътибар бирә».
Хәзер җәмгыять 70тән артык спорт төрен үстерә, шуларның 44 төре - Олимпия спорт төре. 

Фёдор Симашеа, Ольга Данилова һәм Андрей Ларькова кебек чаңгычылар, Наилә Гыйләҗева, Ольга Князева, Валентина Никонова сыман фехтовальщицалар, авыр атлет Николай Колесников, гимнаст Анастасия Колесникова, йөгерешче Гөлнара Галкина-Самитова һәм Татарстан «Динамо»ының күп кенә башка вәкилләренең исемнәре бөтен дөньяга танылган.

Әмма Татарстанда җәмгыятьнең беренчел әһәмияте турында да онытмыйлар - «Динамо» иминлек һәм хокук тәртибе органнары хезмәткәрләрен спорт белән шөгыльләнүгә җәлеп итү өчен оештырылды. Һәм монда Татарстан "Динамо"сы иң беренчеләр рәтендә! Республика командалары хокук саклау органнары өчен оештырылган Бөтенроссия спартакиадасының җидесен отты. 

Татарстанның “динамочылары” өчен менә дигән спорт базасы булдырылды. Мөгаен, илдә иң яхшысыдыр. Үз стадионы, Мирный бистәсендә искиткеч ату комплексы, шәп кырлар һәм үзәкләр бар.
— "Динамо" өчен 99 ел - ул юлның башы гына, чөнки без һәрчак үсештә, - дип билгеләп үтте «Динамо» җәмгыяте рәисенең беренче урынбасары, полковник Салават Гайсин.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading