"Барысын да акчага гына әйләндереп калдырмагыз"

"Барыбыз да мулла булып, атка печән салуны комиссия рәисенә генә калдырмагыз!" Татарстан Республикасы Президенты каршындагы Татар телен саклау һәм үстерү мәсьәләләре комиссиясе җитәкчесе, ТР Дәүләт Советы Рәисе урынбасары Марат Әхмәтов бүгенге утырышта комиссия әгъзаларына шундый мөрәҗәгать ясады. 
Сүзен комиссия рәисе ярым шаярту, ярым шелтәдән башлады. 

Билгеле булганча, комиссия берничә төркемгә бүленеп эшли. "Ялындырып кына булса да һәр төркемнең очрашуы булды. Күбегезнең вазыйфалары турыдан-туры татар теленә бәйле. Барысын да акчага гына әйләндереп калдырмагыз", - диде Марат Әхмәтов.