Билеты булмаган баланы төшереп калдырган өчен 30 мең сумлык штраф көтә

Кондуктор һәм машина йөртүче ягыннан мондый гамәлләрне тыючы закон үзе үз көченә керде инде. Ә хәзер алар өчен җәза күләме дә расланды.
Россия Президенты Владимир Путин 16 яшькә кадәр булган билетсыз балаларны җәмәгать транспортыннан мәҗбүри төшереп калдырган өчен штраф билгеләүче законга кул куйды. Документ хокукый мәгълүматның рәсми порталында бастырылган.

Автобус шоферы мондый хокук бозганы өчен биш мең сум күләмендә, ә вазыйфаи затлар 30 мең сумга кадәр штраф түлиячәк. Законда әйтелгәнчә, сүз "җинаяти җәза булмаган" гамәлләр турында бара.