Татарстанның төп туристик объектлары - Болгар һәм Зөянең үз брендлары барлыкка килде. Болгарның символы итеп татар милли бизәнү әйберләре - чулпылар алынган.
Брендның концепциясенә «Бөек Болгар. Идел буендагы борынгы цивилизация» дигән шигарь сайланган. Зөя исә балык сыртында урнашкан шәһәр сыйфатында гәүдәләнә. Девизы - «Зөя утрау-шәһәре. Тарих ничек яшәвен күр». Әлеге рәсми брендлар туристик объектларны халыкара дәрәҗәдә танытырга ярдәм итәр дип ниятләнә. Киләчәктә Алабуга, Чистай, Тәтеш, Биләр шәһәрләрен дә брендлы итәргә җыеналар.
Комментарийлар