#Кыскача яңалыклар 11 августа 2020, 15:13

COVID-19лы авыруларны дәвалаучы табиблар ташламалы пенсиягә ия булачак

11 августа 2020, 15:13

Коронавирус инфекциясе белән авыручыларга ярдәм күрсәтүче табиблар пенсиягә иртәрәк чыга алачак. COVID-19лы пациентны дәвалауның бер көне пенсия стажын билгеләгәндә ике эш көне кебек саналачак. Бу хактагы карарга Михаил Мишустин кул куйды.

Скопировать ссылку

"Коронавирус һәм шул чиргә шиге булган хасталарны дәвалаучы медицина хезмәткәрләре өчен пенсия стажын исәпләүнең аерым тәртибен билгелибез, - дип игълан итте премьер-министр коронавирус таралуга каршы көрәш буенча координация советы президиумы утырышында. - Авыруларга бер көн ярдәм итү стажга ике эш көне кебек кертеләчәк. Бу норма агымдагы елның 1 гыйнварыннан сентябрь ахырына кадәр гамәлдә булачак".

Кызыклы яңалыкларны күзәтеп бару өчен Вконтактега кушылыгыз.

#коронавирус #табиблар #Казан коронавирус