Дүшәмбе көнне мәктәпләрдә уку буламы?

Мәгариф идарәсе Казан мәктәпләренә иртәгә уку процессын дистанцион форматта үткәрергә тәкъдим итә. Әгәр әти-әниләргә балаларны калдырырга кеше булмаса, мәктәпләрдә дежур класслар эшләячәк. 
Әмма нинди форматта укыту оештырылачагын, вазгыятькә карап, мәктәпләр үзләре хәл итә. Моны сыйныф укытучыларыннан сорашырга кирәк була. 
Иртәгә мәктәп маршрутлары эшләячәк. Кызганычка, кар күп яуганга, аларның хәрәкәт итү кыенлаша.