16+

Инвалид балага пособие исәпләгәндә гаиләнең керемен исәпкә алмаска тәкъдим ителә

Волынец инвалид балаларга гаилә керемен исәпкә алмыйча пособие түләргә тәкъдим итә.

Волынец инвалид балаларга гаилә керемен исәпкә алмыйча пособие түләргә тәкъдим итә.

Татарстанда инвалид балага пособие исәпләгәндә гаилә керемен исәпкә алмаска тәкъдим иттеләр. Татарстанда Бала хокуклары буенча вәкаләтле вәкил Ирина Волынец шундый тәкъдим белән чыкты.

Тиешле мөрәҗәгатьне ул Дәүләт Думасының Гаилә, хатын-кызлар һәм балалар мәсьәләләре комитеты рәисенең беренче урынбасары Татьяна Буцкаяга җибәргән.

Хәзер инвалид балага пособие гаиләнең мохтаҗлыгын комплекслы бәяләү нигезендә, керемнәрне һәм милек белән тәэмин ителешне исәпкә алып билгеләнә. Моннан тыш, эшкә яраклы гаилә әгъзаларының мәшгульлеге яки аның булмау сәбәпләре анализлана.

Реклама

Волынец фикеренчә, инвалид балаларны тәрбияләүче гаиләләр өчен аерымлык каралырга тиеш. Бу аларның дәүләт ярдәменә аеруча мохтаҗ булулары белән бәйле.

Ул РФ Хөкүмәтенең «Бала туу һәм тәрбияләү белән бәйле рәвештә айлык пособие билгеләү һәм түләү тәртибе турында» карарына үзгәрешләр кертергә тәкъдим итте. Бу инвалид балалары булган гаиләләргә түләүләрне җиңеләйтергә мөмкинлек бирәчәк.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading