#Кыскача яңалыклар 30 октябрь 2023, 12:27

Югары уку йортларында бюджет урыннары артачак

30 октябрь 2023, 12:27

РФ Хөкүмәте каршындагы Югары уку йортларына кабул итүнең контроль саннарын планлаштыру һәм бүлү мәсьәләләре буенча координация советы 2024/2025 уку елына бюджет урыннарының гомуми санын хуплады.

Скопировать ссылку

1 ноябрьгә кадәр Россия Фән һәм югары белем министрлыгы тиешле боерык чыгарачак.
- Киләсе уку елына Россия югары уку йортларында бюджет урыннарының гомуми саны артачак һәм 591 мең 967 урын тәшкил итәчәк. Бу, узган уку елына караганда, 2 меңгә күбрәк, - дип белдерде РФ Хөкүмәте вице-премьеры Дмитрий Чернышенко.
Чернышенко билгеләп үткәнчә, урыннар санының иң зур үсеше инженерлар әзерләү программалары буенча планлаштырылган - алар 2281 гә күбрәк булачак.
Шулай ук «Сәламәтлек саклау һәм медицина фәннәре», «Машина төзелеше», «Информатика һәм исәпләү техникасы», «Электр- һәм җылылык энергетикасы» юнәлешләрендә бюджет урыннары күбрәк бүленәчәк.