Кытайлылар Россияне иң якын ил дип атый

Кытайлылар Россияне алар өчен иң якын ил дип атаган һәм аңа башка дәүләтләргә караганда яхшырак мөнәсәбәттә булуларын һәм Россия президенты Владимир Путинга ышануларын белдергән. Asia Times интернет-басмасы хәбәр иткәнчә, Азия тикшеренүләре Үзәк Европа институты уздырган социологик сораштырулар шундый нәтиҗәне күрсәткән.

Сораштыруда катнашучыларның 80 проценты Россияне уңай кабул итә. Алар арасында иң киң таралган җавап: «без Путинга ышанабыз», "Путинның ихтыяр көче бар".