#Кыскача яңалыклар 06 мая 2021, 09:11

Май бәйрәмнәренең дүрт көнендә генә дә янгыннарда 10 татарстанлы һәлак булган

06 мая 2021, 09:11

2021 ел башыннан 78 кеше янгында һәлак булган, бу узган елгы күрсәткечтән 84%ка артыграк.

Скопировать ссылку

2021 ел башыннан 78 кеше янгында һәлак булган, бу узган елгы күрсәткечтән 84%ка артыграк.

1-4 май көннәрендә 10 татарстанлы янгыннарда һәлак булган. Мондый саннар Гадәттән тыш хәлләрне кисәтү һәм бетерү комиссиясенең планнан тыш утырышында яңгырады.

Татарстан Премьер-министры Алексей Песошин утта һәлак булу буенча күрсәткечләрнең югары дәрәҗәдә булуын "хәтта янгын сүндерү сагында озак еллар эшләгән ветераннар да хәтерләми", дип белдерде.

Ел башыннан бирле Татарстанда 78 кешенең гомере утта өзелгән, бу 2020 ел күрсәткечләреннән 84 процентка күбрәк. Янгыннарның яртысыннан артыгы 2021 елда коры үләнгә ут төртү аркасында килеп чыккан. Шул ук вакытта янгынның 41% ы торак секторында булган.

Кызыклы яңалыкларны күзәтеп бару өчен Т елеграмга кушылыгыз.

#янгын, фаҗига