Омикрон штаммы аркасында ПЦР-тестларның гамәлдәге вакыты кыскара 

ПЦР-тестларның гамәлдәге вакыты 72 сәгатьтән 48 сәгатькә кыскара. Бу турыда Роспотребнадзор башлыгы Анна Попова хәбәр итте. Аның сүзләренчә, Россиядә әлегә яңа штаммны йоктыру очрагы юк. Әмма Роспотребнадзорда аны ачыклау өчен тест булдырылган инде. Омикронның тиз таралуын да билгеләп үткән ул. Вирусның яңа варианты куркыныч тудыра һәм һәрьяклап уйрәнүне таләп итә, дигән Попова.