Путин Россия гадәттән тыш хәлләр министрлыгы штат санын арттырырга кушты. Сәбәбе?

Россия Президенты Владимир Путин Россия гадәттән тыш хәлләр министрлыгы штатын 15 меңгә якын хезмәткәргә кадәр арттыруга  кагылышлы указга кул куйды. Тиешле указ хокукый мәгълүматның рәсми интернет-порталында басылып чыкты.

«2023 елның 1 гыйнварыннан гражданнар оборонасы, гадәттән тыш хәлләр һәм табигать бәла — казалары нәтиҗәләрен бетерү буенча министрлыкның иң чик штат санын 303 107 берәмлек күләмендә билгеләргә», - диелә документта.

2023 елның 1 гыйнварыннан ведомство хезмәткәрләренең штат саны тагын дүрт мең кешегә, 307101 берәмлеккә кадәр артыр дип көтелә.