#Кыскача яңалыклар 27 апреля 2021, 10:06

Путин указыннан соң Россия халкының планнары үзгәргән

27 апреля 2021, 10:06

Россиядә яшәүче һәр бишенче кеше алда торган озын май ялларына планнарын үзгәрткән, дип хәбәр итә РБК Superjob тикшеренүләренә сылтама ясап.

Скопировать ссылку

Сораштыру нәтиҗәләре буенча, Владимир Путинның май аенда эшләми торган көннәр санын арттыру турындагы указыннан соң россиялеләрнең 18 проценты бәйрәмнәргә булган планнарын үзгәрткәннәр. Шул ук вакытта 70 процент кешенең уйлары шул килеш калган.

Респондентларның яртысыннан артыгы (55 процент) ял көннәрен туган шәһәрендә үткәрергә, дачага барырга һәм бары 13 проценты кына авылга кайтырга ниятли. Сораштырылганнарның тагын җиде проценты табигатьтә ял итәргә планлаштыра, өч проценты - Россия буенча сәяхәт итәргә, ә бер проценты - кунакка барырга уйлый. Күрәсең, пандемия сәбәпледер, май бәйрәмнәрендә чит илгә барырга берәү дә теләк белдермәгән.

#Владимир Путин