Рифат Фәттахов үзе оештыра торган концертка билет сатып алган
Р.Ваһапов фонды җитәкчесе Рифат Фәттахов 18 апрельдә узачак хәйрия концертына хатыны өчен билет сатып алуы турында әйтте.
Р.Ваһапов фонды җитәкчесе Рифат Фәттахов 18 апрельдә узачак хәйрия концертына хатыны өчен билет сатып алуы турында әйтте.
“Хәйрия концертына чакыру билеты сорау һәм бирү – үзе гөнаһ! Әйтик, мин үзем оештыручы булган бу концертка хәтта хатыныма да 3 мең сумлык билет сатып алдым. Татар артистлары бу концертта түләүсез шартларда катнаша. Концерттан җыелган барлык акча Донбасска ярдәм фондына китәчәк.
Шулай итеп, 18 апрель Татар дәүләт филармониясендә “Кайсыгызның кулы җылы?” концертында очрашыйк, изге Рамазан аенда изге гамәлләрне бергәләп кылыйк”, - дип язган Рифат Фәттахов.
Аның әйтүенчә, сатуда 1, 3, 5 һәм 10 мең сумлык билетлар бар.
Комментарийлар