Сайлауга милли киемнәрдән килгәннәр

Кукмара районының Княгор авылыннан Ирбулдиннар гаиләсе сайлау участогына милли костюмнардан килгән.

Починок Кучук мәдәният йортында урнашкан сайлау участогында биш авылдан 538 сайлаучы теркәлгән. Участок рәисе Вячеслав Сәйфетдинов сүзләренчә, халык актив рәвештә үз тавышларын бирергә килә. 

Кукмара районыннан Ирбулдиннар гаиләсе Россия Президентын сайлауга милли киемнәрдән килгән

"Без мари гаиләсе. Быел сайлау участогына әтиебез Яков һәм әниебез Людмила белән милли костюмнар киеп килдек. Сайлауларда катнашу һәркемнең гражданлык бурычы дип саныйм. Башкаларның да бу мөһим сәяси вакыйгадан читтә калмаячагына ышанам", — ди Ангелина Ирбулдина. 

Ирбулдиннар җырлаучы гаилә. Алар сайлау участогында да үзләренең яраткан җырларын башкардылар, дип яза Кукмара район газетасы.