Татарстанда бүген юлларда буран һәм бозлавык көтелә

Моннан тыш, республика территориясендә урыны белән җилнең тизлеге секундына 15-18 метрга кадәр артачак дип фаразлана. Көндез термометр баганалары -2 дән -7 градуска кадәр күрсәтәчәк. Юлларда бозлавыктан тыш кар өемнәре барлыкка килергә мөмкин.

Иртәгә, 11 февральдә, синоптиклар фаразлавынча, Татарстанда кар явачак, урыны белән буран чыгарга мөмкин. Төнлә температура -5-10 градус тәшкил итәчәк. Көндез иң югары температура -1-6 градус булачак. Юлларда бозлавык сакланачак.