Татарстанда табиблар бер пациенттан ун килограммлы шеш алганнар

Чаллы онкологлары Менделеевскида яшәүче ханымнан 10 килограммлы шеш алган. Бу хакта Чаллының сәламәтлек саклау бүлегендә хәбәр иттеләр.

Шешнең барлыгын быел гына ачыклаганнар. Тикшерү вакытында гинеколог карын куышлыгы размерының зурайганын күреп алган. Карын куышлыгындагы шеш тиз үскән һәм эчке органнарны каплап алган.
Хатын-кыз онкодиспансерга җибәрелгән. Операция уңышлы үткән. Пациент хәзер өендә, дәвалануы дәвам итә.