Татарстанда яңгырлы һәм салкын көннәр көтелә

4 октябрьдә төнлә Казанда төньяк-көнбатыштан салмак җил көтелә. Һава температурасы +1-3 градус тәшкил итәчәк. Көндез җил көнбатыштан, температура +7-9 градус булачак.

Татарстан буенча аязучан болытлы һава булачак. Төнлә һәм иртән кыска вакытлы яңгыр, юеш кар явачак, көндез явым-төшем күзәтелми. Көнбатыштан, төньяк-көнбатыштан салмак җил булачак. Төнлә минималь температура +2-3 градус, көндез +5-10 радус булачак, дип хәбәр итә Татарстан Гидрометеорология һәм әйләнә-тирәне саклау идарәсе.

^{Татар-информ}