Тугыз катлы йортта газ шартлаган, берничә фатир җимерелгән

Ике кеше зыян күргән, дип хәбәр итә РИА Новости. Кимендә ун фатир зыян күргән. 

Мәскәү губернаторы Андрей Воробьев Октябрь урамындагы йортның өченче, дүртенче һәм бишенче катлары җимерелүен билгеләп үтә.
Көнкүреш газы шартлау урынындагы хәрәбәләрне тикшергәндә зыян күргән йортның конструкцияләренең бер өлеше җимерелде, дип хәбәр итә РИА Новости хәбәрчесе.

Вакыйга урынында эшләгән гадәттән тыш хәлләр министрлыгы хезмәткәрләре өстенә плитә төшкән. Аларны хәрәбәләр арасыннан алып чыгып, табибларга тапшырганнар. Әлеге казада өч кеше һәлак булган, бер кеше хастаханәдә ята.

Йорттан 170 кешене эвакуацияләгәннәр, алар өчен өч вакытлыча урнаштыру пункты оештырылган. Тикшерү комитеты куркынычсызлык таләпләренә җавап бирми торган хезмәтләр күрсәтү буенча җинаять эше кузгаткан.