Янган фатирдан ир-атны коткарганнар

Чакыру буенча урынга килеп җиткән янгын сүндерүчеләр ачыклаганча, Яшел Үзәннең Гоголь урамындагы беренче катында урнашкан фатирда җиһазлар яна башлаган. Янгын телләре 2 квадрат метр чамасы мәйданны колачлап алган. Ут сүндерүчеләр тын алу аппаратлары киеп, торакка үтеп кергәннәр һәм фатир хуҗасы 62 яшьлек ир-атка махсус битлек кидереп, аны саф һавага алып чыкканнар.

Яну продуктлары белән агуланган ир-ат хастаханәгә озатыла. Янгын чыгуның сәбәбе ачыклана.