Яшел Үзән районында тугыз метрлы юлбарыс фигурасы барлыкка килгән

Яшел Үзән районының Мирный бистәсендә юлбарыс сыны пәйда булды. Аның озынлыгы тугыз метр, ә биеклеге 3,5 метр, дип хәбәр итә Яшел Үзән районының матбугат хезмәтендә.

Фигура янында балалар өчен кар тавы ясап куйганнар, шулай ук биредә кызгылт-сары-кара фонда "Яңа ел 2022" дип язылган.

Яшел Үзән өчен ел символы булган кар сыннары ясап кую матур гадәткә әйләнгән. Былтыр бу урында үгез сыны булган.