#Кыскача яңалыклар 11 января 2021, 14:24

1 053 кеше вакцинацияләнгән

11 января 2021, 14:24

11 гыйнварга булган мәгьлүматларга караганда, коронавируска каршы "Спутник V" вакцинасының ике компоненты Казанда яшәүче 69 кешегә ясатылган.

Скопировать ссылку

Беренче компонент белән 1 053 кеше вакцинацияләнгән, дип хәбәр итте ТР сәламәтлек саклау министры урынбасары - Казанның сәламәтлек саклау идарәсе башлыгы Владимир Жаворонков.
— Яңа ел каникулларында да яңа коронавирус инфекциясенә каршы вакцина ясау үзәкләре үз эшен дәвам итте. Казан шәһәрендә алар 13әү. Вакцинациянең икенче этабы башлана. 4 гыйнвардан 69 кеше вакцинациянең тулы курсын алды. Безнең шәһәр халкы өчен 2 330 комплект күләмендә COVID-19 га каршы вакцина кайтарылды, аның соңгысы 900 комплект 30 декабрьдә килде. Вакцина ясаткан барлык кеше дә үзен яхшы хис итә, катлаулыклар сизелмәде, - дип белдерде ТР сәламәтлек саклау министры урынбасары Җаворонков.
Ул искәрткәнчә, вакцинаның беренче һәм икенче компонентларын алу арасында берникадәр вакыт узарга тиеш.