#Кыскача яңалыклар 23 марта 2023, 10:57

1 апрельдән банклар россиялеләргә пычрак, таушалган акча бирүне туктатачак

23 марта 2023, 10:57

Юрист Петр Гусятников аңлатуынча, мондый банкнотларны һәм тәңкәләрне банкка алып килергә ярый, банк аларны кабул итәргә тиеш. Ә банк кассасында пычрак, таушалган акчаларны клиентка бирергә ярамый. Шулай итеп, банклар әкренләп тузган купюраларны әйләнештән алып, аларны яңалары белән алыштырачак.

Скопировать ссылку

1 апрельдән Үзәк банк шулай ук цифрлы рубль белән операцияләр буенча пилот проектын башлап җибәрәчәк. Бу Россия милли валютасының өстәмә формасы, ул үзендә акчалы һәм акчасыз рубльләрнең үзлекләрен берләштерә.

Март башында РФ Үзәк банкының 5 һәм 10 сумлык купюралар бастыруны яңартуы билгеле булды, алар Россиянең кайбер төбәкләрендә әйләнешкә керә. Шулай ук җәй көне Россия Банкы 1000 һәм 5000 сумлык яңартылган банкнотлар тәкъдим итәргә тиеш.

Кызыклы яңалыкларны күзәтеп бару өчен Телеграм-каналга кушылыгыз.