1 апрельдән  россиялеләрне нәрсә көтә? Оборона министрлыгы ачыклык кертә

Оппозициядәге Telegram-каналларда Россиядә мобилизациянең икенче дулкыны турында ялган хәбәрләр тарала башлаган иде. Оборона министрлыгы илдә өлешчә мобилизация белән бәйле бернинди чаралар да үткәрелми дип белдерә. Барлык мәгълүматны ышанычлы чыганаклардан гына укырга чакыралар.
Махсус хәрби операция белән бәйле сораулар өчен өстәмә кайнар линия ачылды. 117 кыска номерына шалтыратып, үзегезне борчыган сорауларга җавап таба аласыз. Шулай ук мәгълүмат-белешмә хезмәтенең бердәм номеры – 122 дә эшләвен дәвам итә.

Моннан тыш, Оборона министрлыгы үз волонтерларын җыю турында яңа боерыкны раслады. Хәзер алар өч сайлап алу этабын үтәргә тиеш, һәм шуннан соң гына алар белән контракт төзиячәкләр. Аны вакытыннан алда үз теләгең белән, шулай ук хәрби бурычларны уңышлы үтәгәннән соң, яраланганнан соң һәм башка факторлардан соң өзәргә мөмкин.

Россиялеләргә исә 1 апрельдән илдә армиягә язгы чакырылыш башлануын искә төшерәләр. Быел 18-27 яшьлек ир-атлар чакырылырга тиеш. Повесткаларны хәрби хезмәткә чакырылучының үзенә тапшырырга тиешләр.