10 яшьлек кыз көчләргә теләгән ирдән ничек качып котылган?

Краснодарда 10 яшьлек кыз подъездда үзен сагалап торган ир-аттан качып котыла алган.
Күп фатирлы йорт видеокамераларына укучы кызны сагалап торган ир-ат эләккән. Язмадан күренгәнчә, кыз үз подъездына керергә тели, аңа билгесез ир-ат иярә. Кызчык аны алгарак үткәрә да, үзе керми кала, бераз вакыт урамда басып тора. Подъезддагы камералар теркәгәнчә, теге ир күпмедер вакыт бала кергәнне көтеп торган. Аннары укучы кыз подъездга кергән һәм баскыч буйлап бик тиз күтәрелгән, ир-ат аны эзәрлекләүдән курыккан булса кирәк.