#Кыскача яңалыклар 12 июль 2023, 15:47

13 бала югалган

12 июль 2023, 15:47

12 июль иртәсендә шикле хәбәр тарала: Башкортстанда елгадан агып төшкән чакта бер төркем туристлар югалган. Шунысы аяныч: алар 11дән 18 яшькә чаклы балалар.

Скопировать ссылку

Ачыкланганча, 19 Оренбург кешесе шул исәптән 13 бала Бөрҗән районының Киекбай авылына килгән. Биредә күчмә лагерь корганнар. Алга таба ун бала Агыйдел елгасы буйлап агар өчен Иске Собхангол авылына киткән. Алар өч резина көймә белән чыккан. Ул якларда элемтә булмагач, телефоннарын үзләре белән алмаганнар. Ара - 20 чакрым. Вакыт узып та туристлар тиешле урынга килмәгән, шул чакта гына өлкәннәр борчыла башлаган. Бәләкәй туристларны полиция, коткаручылар һәм җирле кешеләр эзли башлаган.

Бәхеткә каршы, төнге өчтә балаларны тапканнар. Караңгы төшкәч, алар Мәндәгол авылы янында туктаган һәм әти-әниләрен көтә башлаган. Балаларны коткаручылар тапкан һәм әти-зниләренә тапшырган. Аларга медицина ярдәме кирәк булмаган.

Шунысы кызыклы: нинди ата-ана тыныч күңел белән балаларның үзләрен генә зур елгага чыгарып җибәргән? Ә батсалар, куркыныч хәлгә тарысалар?

Коткаручылар һәр вакыт туристлык маршрутларга чыккан чакта Русия Гадәттән тыш хәлләр министрлыгында тиешле рәвештә теркәлергә чакыра.

Кызыклы яңалыкларны күзәтеп бару өчен Т елеграмга кушылыгыз.