15 яшьлек БМВ йөртүчесе ЮХИДИ белән узышкан
Казанда BMW машинасы белән идарә иткән 15 яшьлек яшүсмер, автоинспекторлардан качарга тырышып, таксига килеп бәрелә һәм шуннан соң тимер рәшәткә белән "сөзешә".
Казанда BMW машинасы белән идарә иткән 15 яшьлек яшүсмер, автоинспекторлардан качарга тырышып, таксига килеп бәрелә һәм шуннан соң тимер рәшәткә белән "сөзешә".
ЮХИДИ экипажлары ун минутка якын BMW йөртүчесен туктата алмаганнар. Егет хокук сакчыларыннан качарга тырышкан.
Машина хуҗасы, пассажир утыргычында булган, ә автомобиль белән идарә иткән дусты балигъ булмаган булып чыкты. Яшьләр җаваплылыкка тартылудан куркып качуларын таныйлар.
Нәтиҗәдә, машина йөртү тәҗрибәсе булмаса да, балигъ булмаган йөртүче ЮХИДИ экипажы белән чын мәгьнәсендә "автоузыш" оештыра алган. Мондый үз-үзеңә булган ышаныч такси йөртүчесенең гомеренә чак кына зыян китерми калган. Хәтта Nissan автомобиле белән бәрелешкәннәр соң да хокук бозучы тагын берничә километр юл үтәргә өлгергән.
Егетне Декабристлар урамында кулга алалар. Ул идарәне югалткан һәм БМВсы тимер рәшәткәгә килеп бәрелгән. Мөгаен, егетләрнең "төнге маҗаралары" өчен аларның яшен исәпкә алып, әти-әниләренә түләргә туры киләчәктер.
Фото: http://www.tatarstan24.tv/ видеосыннан скриншот
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар