#Кыскача яңалыклар 14 февраль 2018, 11:01

2017 елда Татарстанда 350 сыер абзары төзекләндерелде

14 февраль 2018, 11:01

2017 елда Татарстанда сыер сарайларын, яшелчә складларын һәм машина-трактор паркларын капиталь ремонтлауга 1,9 миллиард сум акча бүленде.

Скопировать ссылку

2017 елда Татарстанда 350 сыер абзары төзекләндерелде

Бу эшләр 2014 елдан тормышка ашырылучы республика программасы кысаларында башкарылды. Аның буенча, авыл хуҗалыгы җитештерүчеләре чыгымнарының 30 проценты ТР бюджетыннан компенсацияләнә.

Үткән вакыт эчендә әлеге программа 7,9 миллиард сум күләмендә финансланды. Бу акчалар 1,1 мең сыер абзарын, 128 машина-трактор паркын, 91 яшелчә складын ремонтлауга һәм силос-сенаж өчен 540 траншея төзергә китте.
2017 елда программага 1,9 миллиард сум акча бүленде. Бу акчаларга 350 сыер абзары, 10 машина-трактор паркы һәм 28 яшелчә склады төзекләндерелде. Моннан тыш, бу чаралар силос-сенаж өчен 130лап траншея казырга китте, дип хәбәр иттеләр ТР Төзелеш, архитектура һәм ТКХ министрлыгында.

2018 елда бу максатларга 1,8 миллиард сум акча каралган.