2017 елда тәмәкенең бер кабы 220 сумга җитәчәк?!

Бүгенге көндә мең тәмәкегә акцизның минималь ставкасы 1680 сумны тәшкил итә. аны исә 2123 сумга кадәр арттырырга планлаштыралар. Шул рәвешле бер кап тәмәкенең бәясе 220 сумга менәргә мөмкин. Россиядә тәмәке тартучыларның 60 проценты кыймәт булмаган сигарет сатып ала. Моңа бәйле рәвештә белгечләр алар читтән кергән, легаль булмаган тәмәке тарта башламагайлары дигән фикердә тора. Ни өчен дигәндә, бездә сигаретның бер кабы уртача 90 сум тора, Белоруссиядә - 60 сум, Казахстанда - 52 сум, Кыргызстанда - 37 сум.