#Кыскача яңалыклар 08 гыйнвар 2017, 10:23

2017 елда цирк ябыла?

08 гыйнвар 2017, 10:23

Ябыла, тик вакытлыча, ремонт эшләре аркасында апрель аеннан алып Казан циркында тамашалар күрсәтелмәячәк. "Төзекләндерелгән яңа циркны киләсе елның яңа елына өлгертергә тырышабыз", - дигән "Вечерняя Казань" газетасына циркның директоры Дамир Шәрифуллин.

Скопировать ссылку

Казан циркын төзекләндерү өчен 530,3 миллон сум акча тотарга җыеналар. Башка төбәкләр белән чагыштырганда, бу сумма артык күп тә, аз да түгел. Казан циркы уникаль бина булып санала, киләсе елга циркка 50 ел булачак. Соңгы төзекләндерү эшләре дә биредә 2013 елгы Универсиада алдыннан үткәрелгән булган. Газета укучыбыз Равилә Мөбәрәкшина оныгы белән тамаша карарга баргач, утыргычларның хаман да шул үзенең балачагындагы икәнлегенә игътибар итеп: "Циркка яңа утыргычлар кирәк" дип язган иде. Ремонт эшләрендә исә беренче чиратта, нәкъ менә шул иске эскәмияләрне агач утыргычларга алмаштырырга һәм бәдрәфләрне яңартырга уйлыйлар.

Кызыклы яңалыкларны күзәтеп бару өчен безнең МАХ каналына кушылыгыз.