2021 елда 25 мең татарстанлы IT өлкәсендә һөнәр алачак

Татарстан бу юнәлеш буенча алгы позицияләрдә бара. Программаны гамәлгә ашыруның нечкәлекләрен ТР дәүләт идарәсенең, мәгълүмати технологияләр һәм элемтәләрнең цифрлы үсеше министры урынбасары Радик Гыйсмәтов хәбәр итте. Татарстанда "Цифрлы һөнәрләр" проекты уңышлы гына эшләп килә. Хәзер 24 юнәлеш буенча: маркетингтан алып ясалма интеллектка кадәр укулар алып барыла.

«Цифрлы икътисад» кадрларын әзерләү проекты 2019 елдан РФ Президентының «2024 елга кадәр чорга Россия Федерациясе үсешенең милли максатлары һәм стратегик бурычлары турында» Указларын гамәлгә ашыру барышында гамәлгә ашырыла. Татарстан халык ярдәмен тәэмин итеп, алдынгы позицияләрне били. 2021 елдан укыту бәясенең 50 процентын дәүләт компенсацияли. Мондый практика югары нәтиҗәлелекне күрсәтә, иң мөһиме - халыкның чыннан да яхшы компетенция алырга мотивациясе, дип сөйләде Гыйсмәтов.

200дән артык алдынгы тармак, компанияләр һәм югары уку йортлары проектны гамәлгә ашыруда актив катнаша. Татарстанда әлеге программада барлык югары уку йортлары катнаша, Россиянең теләсә кайсы төбәгеннән 16 яшьтән өлкәнрәк барлык гражданнар да яңа һөнәр алу мөмкинлегенә ия (укыту дистанцион рәвештә алып барыла). 1 июльдән 2021 елның декабренә кадәр гаризалар кабул ителә. Катнашу өчен Leader-ID сайтында теркәлергә, шәхси кабинетта анкета тутырырга, кызыксындырган программаны билгеләргә һәм кирәкле документларны җибәрергә кирәк.

“Демография” милли проекты кысаларында пенсионерлар өчен аерым программа бар. Казан мәгълүмати технологияләр һәм элемтә техникумы 2021 елда әлеге программа буенча 300дән артык кешене укытып чыгарган. Өлкән яшьтәге кешеләрдә заманча цифрлы технологияләр ярдәмендә дизайнер видео- һәм фотоальбомнар зур кызыксыну уяткан.

Өлкән буын үсеш өчен яңа мөмкинлекләр таба, дип билгеләде министр урынбасары.