23 яшьлек ир апалы-сеңелле ике мәктәп укучысын 8 каттан ыргыткан

Билгеләп үтелгәнчә, алар шул йортта яшәгән, апалы-сеңелле булганнар. Кечесе фаҗига урынында ук үлгән, ә апасы хастаханәдә җан биргән.

Беренчел версия буенча, элек хөкем ителгән 23 яшьлек ир кызларны сигезенче каттан ыргыткан. Җинаять кылуда шикләнелүче әйтүенчә, балаларның әнисе төнлә җәмәгать туклануы бинасында эшләгән. Ул көнне өйдә булмаган, кызлар исә ирне тыңламаганнар һәм урамга чыгып китәргә теләгәннәр.«Тавышландылар һәм йокларга ирек бирмәделәр», дигән ул акланып.

Һәлак булган апалы-сеңелле кызларның әнисе моңарчы хөкем ителгән һәм Хакасиядә исәптә торган. Бу хакта дүшәмбе көнне, 1 ноябрьдә, шәһәр мэриясенең "ВКонтакте" социаль челтәрендәге сәхифәсендә хәбәр ителде.

- Балалар үлеме-коточкыч фаҗига. Гаеплеләрне берничек тә гафу итеп булмый. Кызларның туганнарының кайгысын уртаклашам. Үтерүче тиешле җәзасын алыр, дип ышанам. Үземнең урынбасарларыма Кызыл шәһәрендә исәптә торучы гаиләләрне планнан тыш тикшерергә йөкләмә бирдем, - дип язган шәһәр мэры Кәрим Сагаан-оолы.

Билгеләп үтелгәнчә, агымдагы елның февралендә кызларның әнисе уку буенча Абакан шәһәренә күченүе турында гариза язган. Соңрак ул үзенең кайдалыгы турында хокук саклау органнарына хәбәр итми башлаган.

Хәбәрдә шулай ук һәлак булган кызлар Тоджинск районында яшәүче тәрбиягә алынган гаиләдә яшәгән диелә. Ни өчен аларның киредән элек хөкем ителгән әниләренә кайтарылуы турында хәбәр ителми. 

Беренчел мәгълүматлар буенча, үтерүдә гаепләнеп тоткарланган ир кызларның әнисенең туганы булган, моңарчы федераль эзләүдә торган. Корбаннарының әнисе фатирындагы бер бүлмәне арендага алып торган.