#Кыскача яңалыклар 19 август 2017, 04:58

25-44 яшьтәге ир-атлар һәм хатын-кызларның иң күп спиртлы эчемлек куллануы ачыкланган

19 август 2017, 04:58

Соңгы елда Россиядә яшәүче халыкның яртысы диярлек исерткеч эчемлекне азрак куллана башлаган, гражданнарның 39 проценты бөтенләй эчми, дип хәбәр итә «Татар-информ». Бөтенроссия җәмәгатьчелек фикерен өйрәнү үзәге үткәргән сораштыруда катнашучыларның 59 проценты гына салгалап алуын җиткергән. Алар айга берничә тапкыр спиртлы эчемлек кулланулары турында белдергән.

Скопировать ссылку

Илдә 16 процент халык (23 процент ир-ат һәм 11 процент хатын-кыз) аракыны айга ике-өч тапкыр куллана икән. Иң күп алкоголь кулланучылар - 25-44 яшьлекләр.
2017 елда сораштыруда катнашучыларның бары тик 4 проценты гына хәмерне күбрәк куллана башлавын, 44 проценты киресенчә азрак куллануын белдергән.

- Сәламәт яшәү рәвеше алып бару киң колач җәя бара. Бу бигрәк тә яшьләр арасында киң таралган, - дип белдергән Бөтенроссия җәмәгатьчелек фикерен өйрәнү үзәге мәгълүмати сәясәт һәм кооммуникацион технологияләр практикасы җитәкчесе Кирилл Родин.