#Кыскача яңалыклар 05 август 2020, 12:53

2нче татар гимназиясе директоры алышынган

05 август 2020, 12:53

Казанның 2нче гимназия директоры алышынды. Директор вазифасын 13нче гимназия директоры булып эшләгән Рамил Гайнуллин башкарачак.

Скопировать ссылку

Кәмәрия Хәмидуллина - Казанның 2нче татар гимназиясе мөдире булып 1993 елдан бирле эшләгән. Ул Татарстанның атказанган укытучысы (1992), Татарстанның халык укытучысы (2014) исеме иясе.
Журналистлар белән булган әңгәмәсендә Кәмәрия Хәмидуллина: «Яшем белән бәйле ялга китәргә карар кабул иттем. Әлегә боерык юк», — дип аңлаткан.
Әлеге уку йорты Казанда һәр фән дә татарча укытылган бердәнбер гимназия буларак билгеле. Белем учагының хәтта үз балалар бакчасы бар.
Кәмәрия Хәмидуллина урынына килгән Рамил Гайнуллин Казан дәүләт университетының татар филологиясе һәм тарихы факультетын тәмамлаган. Шиһабетдин Мәрҗани исемендәге тарих институтында аспирантурада укыган. Казанның 13нче татар гимназиясе белән бер ел җитәкчелек иткән.

tatar-inform.tatar

Кызыклы яңалыкларны күзәтеп бару өчен безнең МАХ каналына кушылыгыз.

#гимназия