#Кыскача яңалыклар 03 ноябрь 2018, 08:00

4 ноябрьдә кая барырга?

03 ноябрь 2018, 08:00

Татарстанның милли музеенда «Сәнгать төне» бөтенроссия мәдәни-белем бирү акциясе оештырылачак. Биредә шәһәрнең музыкаль коллективлары чыгышларын күрергә, мәдәният эшлеклеләре лекцияләрен тыңларга, яңа иҗади проектлар белән танышырга мөмкин булачак.

Скопировать ссылку

«Осталар шәһәре» проекты кысаларында төрле мастер-класслар, халык һөнәрчелеген чагылдырган кул эшләнмәләре тәкъдим ителгән ярминкә дә узачак. Татарстанның дәүләтчелек тарихы музеенда республиканың Конституциясенә кагылышлы документлар, фото, видеоматериаллар белән танышырга мөмкин булачак.

Муса Җәлил исемендәге татар дәүләт опера һәм балет академия театрында «Безнең йорт – Татарстан» дип исемләнгән республика этнокультура фестиваленең гала-концерты үтәчәк. Сәхнәдә фестивальнең сайлап алу турыннан узган җиңүчеләр чыгыш ясаячак.
Казанның Совет районында Тынычлык урамындагы скверда «Минем туган ягым – язмышым» дип исемләнгән тамаша булачак. Анда Сәетгалиев исемендәге мәдәният йорты артистлары чыгыш ясаячак. 6+

фото - pixabay.com

Кызыклы яңалыкларны күзәтеп бару өчен безнең МАХ каналына кушылыгыз.

#ноябрьские праздники