49 мең татарстанлы дәүләт хезмәтләре порталы аша ЮХИДИ штрафлары хакында белде

Татарстанда дәүләт һәм муниципаль хезмәтләр порталы аша штрафлар турындагы карарның электрон төрен алырга мөмкин. Хәзерге вакытта республикада  49 996 машина йөртүче әлеге мөмкинлектән файдаланган.

Яңа сервис узган елның җәеннән башлап эшли икән, ә хезмәтне рәсмиләштерү бары 2 минут вакытны ала. Электрон карарларны алу сервисы - бушлай. Машина хуҗалары өчен бик уңайлы:

• вакытны экономияләү - карар күчермәсен алу өчен почтага йөрергә кирәк түгел;
• карар чыгарылган көнне ук аның турында мәгьлүматны алып була;
• хокук бозу турында төгәл мәгълүмат алу мөмкин; 
• ташламалы чор беткәнче, штрафны түләргә мөмкин.