16+

Казанда «Рубин» – «Зенит» матчы көнендә алкоголь сатуны чикләячәкләр

Казанда 21 ноябрьдә «Рубин» һәм Санкт-Петербургның «Зенит» командалары арасында узачак футбол матчы уңаеннан алкоголь продукциясен ваклап сатуга чикләүләр кертеләчәк.

Казанда 21 ноябрьдә «Рубин» һәм Санкт-Петербургның «Зенит» командалары арасында узачак футбол матчы уңаеннан алкоголь продукциясен ваклап сатуга чикләүләр кертеләчәк.

Тиешле карарны Татарстан Премьер-министры Алексей Песошин имзалаган.

Тыю Яңа Савин районының билгеле бер өлешендә гамәлдә булачак. Чикләүләр Әмирхан проспекты, Сибгать Хәким, Чистай, Адоратский, Лаврентьев, Гаврилов урамнарын, Троицкий урманы территориясен һәм «Мегастрой» кибетен дә кертеп, өченче транспорт дамбасының Обводный күпере янындагы территорияне колачлый.

Моннан тыш, шәһәр үзәгендәге Астрономия, Бауман, Кави Нәҗми, Муса Җәлил, Профсоюз, Университет һәм Чернышевский урамнарында урнашкан сәүдә объектларында да алкоголь сатып алып булмаячак.

Шул ук вакытта чикләү җәмәгать туклануы хезмәтләрен күрсәткәндә алкоголь продукциясен сатуга кагылмый. Димәк, кафе һәм рестораннарда аны сату дәвам итәчәк.

Карарның үтәлешен контрольдә тоту Татарстан Дәүләт алкоголь инспекциясенә һәм республика буенча Эчке эшләр министрлыгына йөкләнгән.

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading