77 яшьлек бабай математика белән физикадан БДИ тапшырган

2018 елгы Бердәм дәүләт имтиханының иң өлкән катнашучысына – 77 яшь.1941 елгы ир-ат математика һәм физикадан сынау тапшырды. Бу хакта Татар-информ хәбәр итә.

1941 елның 18 гыйнварында туган ир-ат математика һәм физикадан профиль имтиханы тапшырды. Югары икътисад мәктәбенең Мәгарифнең сыйфатын мониторинглау үзәге фәнни җитәкчесе, мәгариф һәм фән өлкәсендә күзәтчелек Федераль хезмәтенең элеккеге башлыгы Виктор Болотов сүзләренчә, ул үзен тикшереп карарга теләгән.

Өлкән яшьтәгеләр имтиханнарны күбесенчә югары уку йортына керү өчен тапшыра. «Университетка өлкән яшьтәге кешеләрнең укырга керүенә бәйле мисаллар юк түгел. Россия вузларында 60 яшьлек студентлар белем алуын беләм», - диде эксперт.

Моңа кадәр Рафис Борһанов Казанның 127 нче урта мәктәбендә татар теленнән белемнәрен сынап караган иде.