#Кыскача яңалыклар 08 август 2018, 16:14

9 августта “Болгар радиосы” Казан-Болгар велоэстафетасына чыга!

08 август 2018, 16:14

9 август көнне “Болгар радиосы” хезмәткәрләре катнашында Казан-Болгар маршруты буенча IV велоэстафета узачак. Чара сәгать иртәнге 5тә Муса Җәлил һәйкәленә чәчәкләр салудан башлана.

Скопировать ссылку

9 августта “Болгар радиосы” Казан-Болгар велоэстафетасына чыга!

Болгар шәһәренә радио хезмәткәрләре белән бергә “Яңа Гасыр” телерадикомпаниясе җитәкчелеге һәм татар эстрадасы артистлары да барачак. Велоэстафетада катнашучылар 150 чакрым юлны велосипедта узачак. Чара сәламәт яшәү рәвешен пропагандалау максатыннан үткәрелә.

18 сәгатьтә Болгар мәдәни-фестиваль комплексында Илназ Баһ, Дилә Нигъмәтуллина, Илназ Гарипов, Лилия Хайруллина, Лилия Гыйматдинова, «Болгар кызлары», Рәзил Камалов һәм Рәфинә Ганиуллина, Айсылу Габдинова, Алсу һәм Флорит Гыйздатуллиннар катнашында зур концерт көтелә. Керү бушлай.

Кызыклы яңалыкларны күзәтеп бару өчен Т елеграмга кушылыгыз.