Абау! Путин даирәсендәге берничә дистә кеше коронавирус белән авырый

Россия Президенты Владимир Путин ОДКБ саммитында үз даирәсендәге берничә дистә кешенең коронавирус белән авыруын хәбәр иткән. Шул сәбәпле соңгы моментта гына Дүшәнбегә бармый калырга мәҗбүр булган. «Кызганыч, ул минем даирәдәге кешеләрне коронавирус йоктыруы белән бәйле. Бер, ике дә түгел – берничә дистә кеше», – дигән ул. Аның сүзләренчә, Путинга берничә көн үзизоляция режимын сакларга туры киләчәк. ОДКБ саммитында ул видеоконференция режимында катнаша.