Абортларны мәҗбүри медицина иминияте системасы буенча гына үткәрергә тәкъдим ителә

Моннан тыш, ул мөрәҗәгатьнең күчермәсен Дәүләт Думасының сәламәтлек саклау комитеты башлыгы Дмитрий Хубезовка тапшырды. Балалар омбудсмены Россия Федерациясе сәясәтенең өстенлекле юнәлешләренең берсе булып тууны арттыруга ярдәм итү тора, дип искәртте.

"Туучылар санын арттыруда һәм сабыйлар үлемен киметүдә халыкның репродуктив сәламәтлеген саклау һәм яхшырту зур роль уйный. Ә репродуктив сәламәтлеккә тискәре йогынты ясый торган, репродуктив функциянең бозылуына, баласызлыкка, хатын — кызларда гинекологик авырулар барлыкка килүгә китерә торган төп факторларның берсе – абортлар", - ди Волынец.
Омбудсмен билгеләп үткәнчә, хәзерге вакытта йөклелекне туктату процедурасы шәхси һәм дәүләти медицина учреждениеләрендә башкарыла. Волынец сүзләренчә, абортларны мәҗбүри медицина иминияте аша гына үткәрү бу манипуляцияләрне контрольдә тотуны көчәйтергә мөмкинлек бирәчәк. Шәхси клиникалар исә ясалган абортлар турындагы мәгълүматны һәрвакытта да тапшырмый дип саный омбудсмен. 

Шул ук вакытта бала хокуклары буенча вәкаләтле вәкил сәламәтлек саклау министрлыгы шәхси клиникаларга аборт үткәрү өчен квоталарны башка хезмәтләр өчен квоталар белән алыштыра алачагын белдерде. Бу чара хатын-кызның репродуктив сәламәтлеген яхшыртырга ярдәм итәчәк. Демография мәсьәләсе дә хәл ителер иде дигән фикердә омбудсмен.